Britania e Madhe përjashton kufizimet e reja para Krishtlindjeve

18:18 | 23 Dhjetor 2021
Arditë Shkodra

Qeveria britanike ka thënë se nuk do të paraqesë kufizime të reja anti-COVID deri pas Krishtlindjes, dhe i quajti inkurajuese studimet për variantin Omicron.

Sekretari për shëndetësinë, Sajid Javid, ka thënë se dy studime që sugjeruan se Omicroni ka më pak rrezik për hospitalizim se Delta, janë “lajme inkurajuese”.

Të dhënat nga Agjencia e Shëndetësisë e Britanisë tregojnë se pacientët me Omicron janë mes 20 përqind dhe 68 përqind për nga gjasat që të kërkojnë trajtim në spital, në krahasim me ata me Delta, shkruan AP.

Megjithatë varianti i ri sërish mund t’i stërmbushë spitalet për shkak të përhapjes së gjerë.

Britania këtë muaj ka rivënë në fuqi masat për maskat në hapësirat e mbyllura dhe kërkoi dëshmitë e vaksinimi ose një test negativ para hyrjes në vende të caktuara./rtk